بیر گون
قوی بیجه حاق سؤزون دئییم، دیلیمدن
دارا چکیلسمده، چکیلمیشم من.
بو موقددس توپراق گؤیرده جکدیر
یئره اکیلسمده، اکیلمیشم من.
یاندیر اوره ییمی، قووزا آیاغین
چکه رم بوینوما ایسسیسین، داغین
آلووو گور چیخسین بو اود - اوجاغین
یانیب تؤکولسمده، تؤکولموشم من.
توتاق کی داغیلیب، لاپ اولدوم تالان
کؤپرولر سالینار داش- توپراغیمدان
ائل ایچینده اولار بیرلیییه نیشان
بیر گون سؤکولسمده، سؤکولموشم من.
قوجا قارتال رضا دهقان(چنگی)
+ نوشته شده در ۱۳۹۲/۰۸/۰۸ ساعت 19:56 توسط رضا دهقان (چنگی)-جولفا بولگه سیندن
|
يازين نفسيله يارپاق- يارپاق، بوداق- بوداق پؤهره له نن آغاجلار هردن تورپاغين درين قاتلاريندا قالان و اؤز ايشيني گؤرن كؤكلريني يادا سالماديغي كيمي؛ خالق دا شاخه- شاخه مين ايللردن او اوزونه اوزانان و اؤز بوگونكو بويوندان يوز دفعه لر بؤيوك اولان كؤكلريني اونودور. گله جك بوتون بؤيوكلويو و گؤزله نيزلنيلمزلييي ايله گئچميشين سارسيلماز اوزلو اوزه رينده دايانير.گله جك گئچميشين شاگيردي دير، ومعلليميني نه قدر ياخشي دويسا او قدر گوجلودور.نه قدر جان آتسادا، گئچميش آدلي كؤكوندن قوپا بيلمز و بوتون يئني چالارلاري، بوي لارينا باخماياراق او زامان- زامان اؤز گئچميشيني تيكرار ائدير. بونا گؤره ده ايلكينلييه گئدن يول، اصلينده ، گله جه يه گئدن يولا ايشيق وئرير.