شاعیرین بو سؤزلر نه یینه گَرَک!

هاردا شئیطان اولسا، جین اولسا یوخام.

گوج ایله یاخامی قوتارمیشام من

..................................... .


کیم دئییر شر اودون یئنه ده یاندیر؟

بیر آز اوزاق دولان، بیر آزجا یان دور

اوره ییم یوخادیر، تئز آجیشاندیر

سؤزده توسسو اولسا، تین اولسا یوخام.


قایناییب، دورولوب، آخیرام سو تک

آختاردیغیم گولدور، گزدیییم چیچک

یازدیغیم محببت، دئدیییم ایستک

دیلده آجیق اولسا، کین اولسا یوخام.


باخ اوره ییمده کی سئوگی تاغینا

دولاشیر شئعریمین اَل- آیاغینا

من دؤزه بیلمه رم قاش- قاباغینا

آنلین قیریش اولسا، چین اولسا یوخام.


های- کویدن قیراغا یارانمیشام من

کیتابا، واراغا یارانمیشام من

باغیمسیز اوچماغا یارانمیشام من

دونیا قفس اولسا، نین اولسا یوخام.


رضا دهقان(چنگی)

قوجا قارتال