قوجا قارتال - آنا دیلی گونو

پروفسوردوکتور محمد تقی زهتابی

طالعیمه سن باخ
دوشونجه‌لریم یاساق
کئچمیشیم‌دن سؤز آچماغیم یاساق
آتا بابامی آدین چئکمه‌ییم یاساق
آنامدان آد آپارماغیم یاساق
بابا دییاریم ایسه
پیتراق پیتراق بیلیرسن
دوغولاندا بئله
اؤزوم بیلمییه بیلمییه
دانیشماغیم دا یاساق ایشیم یاساق

-----------------------------------------------------------------

سو"دئییبدیر منه اولده،آنام آب کی،یوخ

                              "یوخو"اویرتدی اوشاقلیقدامنه،خواب کی،یوخ

ایلک دفعه کی،"چورک"وئردی منه نان دئمه دی

                               ازلیندن منه "دوزدانه"، نمکدان  دئمه دی

آنام ،اختر دئمه یبدیرمنه،"اولدوز "دئییب او

                               سو دوناندا،دئمه ییب یخدی بالا،"بوز"دئییب او

"قار" دئییب ،برف دئمه ییب،دست دئمه ییب"ال"دئییب او

                               منه هئچواخت بیا سویله مه ییب،"گل"دئییب او

یاخشی خاطیرلاییرام،یاز گونو اخشام چاغی لار

                                 باغچانین گون باتانیندا کی،ایلیق گون یاییلار

گل:-دئیه ردی،-داراییم باشیوی ای نازلی بالام!

                                 گلمه سن گر،باجیوین آستاجا زولفون دارارام

او دئمه زدی کی ،-بیا شانه زنم بر سر تو

                                 گر نیایی بزنم شانه سر خواهر تو

بلی،داش یاغسادا گویدن،سن او سان من ده بویام

                                 وار سنین باشقا آنان،واردی منیم باشقا آنام

اوزومه مخصوص اولان باشقا ائلیم واردی منیم

                               ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشایاق،بیرلیک ائدک

                                وئریبن قول-قولا،بوندان سورا بیر یولدا گئدک

اولا،اوزگه کولک لرله گرک آخمایاسان

                                ثانیا،وارلیغیما،خالقیما خور باخمایاسان

یوخسا گر زور دئیه سن ملتیمی خوار ائده سن

                               گون گلر،صفحه چونر،مجبور اولارسان گئده سن

    شعر:پروفسوردوکتور محمد تقی زهتابی(کیریشچی)1324

آنا گولدور٬ بير گون سولار  Ana güldür, bir gün solar
آنا ديلى شيرين اولار                 Ana dili şirin olar

بيزيم توركو شيرين ديلدير     Bizim Türkü şirin dildir
خوش صدالى٬ زنگين ديلدير  Xoş sədalı, zəngin dildir

ديل گونشدير٬ ايشيق ساچار  Dil günəşdir, ışıq saçar
آزادليغا قاپى آچار                      Azadlığa qapı açar

 يادين ديلى بويوندوروق            Yadın dili boyunduruq
 بير گئچيددير بوروق بوروق     Bir geçiddir buruq buruq

بويوندوروق خالقى بوغار       Boyunduruq xalqı boğar
گئچيدلرده قولدور سويار        Geçidlərdə quldur soyar

قوى يادلاشسين سئناتورلار    Qoy yadlaşsın senatorlar
خالقى سويان تاجير٬ توججار      Xalqı soyan tacir tüccar

يالتاق شاعير يولون آزسين       Yaltaq şair yolun azsın
تكجه فارسى غزل يازسين!    Təkcə Farsı qəzəl yazsın

حبيب ساحير تئهران 1344-1357

 

آنا دیلینه گؤره قیسا تبریکلر:

"وطندن قوولــــدو آنا دیلیمیز

آنا دیلی دئـدیـک، گلمه یاد دیله


عربی دانیشدیق اؤلولرله بیز

فارسی قیریلداتدیق دیـری‌لـرایله


اؤز آنا دیلیمیز لاللیغیمیــــزدان

اؤلویه کوفر اولدو ، دیرییه نقصان "

---------------------------------

ساهات زنگ چالدي، مدرسه چوخ اوزاغدا،

كيفيمي گؤتوردوم، اما ديليم قالدي ائويميزده!...

------------------------------------------------------

هر ديل بيلن نئچه اينساندي. اؤز آنا ديلين بيلمه ين نئجه اينساندي؟

--------------------------------------------------------

 

اير بير اولوس اسارتده اولسا،آنجاق اؤز آنا ديلين قورويوب ساخلاسا،

ائله بيل بير دوستاغلانميش كيمسه دير كي، دوستاغين آچاري الينده دير.

------------------------------------------------------------

بير اوشاغين آنا ديلين اليندن آلماق و اونو باشقا بير ديلده دانيشماغا مجبور ائتمك جنايتدير.  

سيد جعفر پيشه وري

---------------------------------------------------------

اسفندين 2 سي دونيا آنا ديلي گونو بوتون آنا ديلين سئونلره و اونو گؤز به به يي كيمي قورويوب ساخلايانلار قوتلو اولسون.

 

OĞUZ XAN 

+يازاني رضا دهقان (چنگی)-جولفا بولگه سیندن چاغ 88/12/02 21:44 |